பிரபாகரனின் தத்துபித்துவங்கள்...

முப்பொழுதும் உன் கற்பனைகள் – மயிரே இல்லாத வழுக்கை

2012-02-19T02:19:00.000+05:30

அன்புள்ள வலைப்பூவிற்கு,

ட்ரைலர் பார்த்தபோதே பாடாவதியான படம் என்று தெரிந்தபின்னும் இந்தப் படத்தை பார்க்க இரண்டு காரணங்கள் – ஒன்று “ஒருமுறை... ஒருமுறை...” பாடல், மற்றொன்று என் கன்னுக்குட்டி அமலா பால்.

ஹீரோ வார நாட்களில் ஒரு மிகப்பெரிய ஐ.டி நிறுவனத்தில் அப்பாட்டாக்கர். வார இறுதியானால் பெங்களூரில் இருக்கும் தன் காதலி சாருவுடன் ஐக்கியமாகி விடுவார். ஹீரோவின் கம்பெனிக்கு புது CEOவாக வரும் அமெரிக்க மாப்பிள்ளைக்கு நிச்சயம் செய்யப்பட்ட லதாவும் சாருவும் ஒரே சாயலில் இருக்கிறார்கள். லதாவுக்கும் ஹீரோவுடன் ஏற்கனவே பழகியது போன்றதொரு உணர்வு. ஒரு விபத்தில் ஹீரோ படுகாயம் அடைகிறார். அப்போது ஹீரோவின் ஆழ்மனதை கிளறிப்பார்க்க, சாரு, லதா, சாருலதா, சைக்கலாஜிக்கல்லி, பேசிக்கல்லி, கெமிக்கல்லி அதர்வாவும் அமலா பாலும் இணைகிறார்களா என்பதே மீதிக்கதை.

அதர்வா – அந்த ராம்ப் வாக் நடையழகும், சுந்தரத்தமிழ் வசன உச்சரிப்பும், ஆக்கக்க தமிழ் சினிமாவிற்கு இன்னொரு அஜித் குமார் தயார். அமலா பாலுடன் ரொமான்ஸ் செய்வதையும் சரி, அடிதடி ஆக்குசன் காட்சிகளையும் சரி, சத்தியமாக தாங்கிக்கொள்ள முடியவில்லை.

அமலா பால் – Very Beautiful. அதர்வாவிற்கு கட்டிப்பிடி வைத்தியம் செய்து அடிக்கடி கடுப்பை கிளப்புகிறார். நடிப்பை பொறுத்தவரையில் பாஸ்மார்க் போடலாம். ஒரிஜினலாக வெட்கப்படுவது இவருடைய ஸ்பெஷாலிட்டி. ஒரு ஹீரோயினுக்கு இந்த அளவு நடிப்பே தாராளமானது.

சந்தானம், நிறைய காட்சிகளில் சலிப்பூட்டுகிறார் சில காட்சிகளில் மட்டும் சிரிப்பூட்டுகிறார். ஜெயபிரகாஷை அமலா பால் “அங்கிள்... அங்கிள்...” என்று கூப்பிடுகிறார். அந்த வேலையை அவர் கரெக்டாக செய்திருக்கிறார். அதர்வாவின் அம்மாவாக அனுபமா குமார். பாவம்யா அவங்க ஹீரோயினா நடிக்க வந்தவங்க. அவங்களுக்கு போய், மொட்டையடிச்சு அழ வச்சு வேடிக்கை பாக்குது பாழாப்போன கோலிவுட். மகன் முதல்முறையாக நடந்துவரும்போது பெருமையும், ஆனந்தக்கண்ணீரும் கலந்த ஒரு பார்வை அவருடைய நடிப்பிற்கு சாம்பிள். நல்லவேளை அந்த ரோலுக்கு மொதல்ல சிம்ரனை கூப்பிட்டாங்களாம். அப்புறம் நாசர், நாலஞ்சு சைக்கோ வில்லன்கள் எல்லாம் இருக்காங்க.

ஜிவி பிரகாஷ் இசையில் ஒருமுறை முதல்முறையே பச்சக். ஓ சுனந்தா பாடலும் க்ளைமாக்ஸ் அருகே வரும் ஒரு குத்துப்பாடலும் ஓகே ரகம். பின்னணி இசை படுரொமாண்டிக்.

கலை இயக்குனர் கிரணைபாராட்டியே ஆகவேண்டும். குறிப்பாக பெங்களூரு ஃபிளாட்டில் Interior Decorationல் அசத்தியிருக்கிறார்.

இயக்குனர் எல்ரெட் குமார், காதலுங்கறது மரணமே இல்லாத இடம், மயிரே இல்லாத தலை இந்தமாதிரி படுமொக்கையான வசனங்களை வைத்து இந்தக்காலத்து பசங்களை ஏமாற்ற முடியாது. Try to think practical. அம்மாக்கிட்ட சொல்லி காம்ப்ளான் வாங்கிக்குடிங்க பாஸ்.

ஏகப்பட்ட தமிழ் சினிமா க்ளிஷேக்கள். ஹீரோயினை முதல்முறை பார்த்ததும் ஹீரோ ஃபரீஸ் ஆகும் காட்சியை இதுவரை எந்த இயக்குனரும் எடுத்ததில்லை.

Actually, நான் ஒரு அரை சைக்கோ என்பதால் (பின்ன சாரு நிவேதிதா நாவல்களையெல்லாம் படிச்சா கலெக்டராவா ஆக முடியும்) எனக்கு படம் கொஞ்சம் பிடித்திருந்தது என்பது உண்மை. But when it come to others, இந்தமாதிரி படத்தையெல்லாம் பார்த்து உங்கள் நேரத்தையும் பணத்தையும் வீணடிக்க வேண்டாம். அதையும் மீறி பார்த்தே தீருவேன் என்று அடம் பிடித்தீர்களானால், உங்களுக்கு வந்திருக்குற வியாதியின் பெயர் மொக்கையோபிலியா. அதாவது இந்த வியாதி வந்திருக்குறவங்க மொக்கை படங்களை தியேட்டர் தியேட்டரா தேடிப்போய் பார்ப்பாங்களாம். படம் பயங்கர மொக்கையாக இருந்தாலும் சூப்பரா இருக்குறதா அவங்களாகவே கற்பனை பண்ணிப்பாங்களாம்...!

என்றும் அன்புடன்,

N.R.PRABHAKARAN

“பல்”லாண்டு வாழ்க...!

2012-02-08T02:00:00.000+05:30

அன்புள்ள வலைப்பூவிற்கு,

டிஸ்கி 1: பர்சனல் பக்கம் - பிடிக்காதவர்கள் புரட்ட வேண்டாம்.

டிஸ்கி 2: மது நாட்டுக்கு, வீட்டுக்கு, உயிருக்கு கேடு...!

வெள்ளிக்கிழமை இரவு ஒன்பது மணி. விறுவிறுப்பான கிரிக்கெட் போட்டியின் இறுதிக்கட்டத்தை போன்றதொரு பரபரப்பு. இன்னும் ஒருமணி நேரத்திற்குள் குறிப்பிட்ட இடத்தை அடைந்தாக வேண்டும். நாள் முழுக்க அலுவலகத்தில் பணியாற்றிய களைப்பு வேறு. நடை, ஓட்டம், பேருந்து, ஆட்டோ என பல்வேறு பரிமாணங்களை கடந்து அந்த பயணத்தை முடிக்கும்போது மணி சரியாக பத்தாக பத்து நிமிடங்கள் இருந்தன. நல்லவேளையாக டாஸ்மாக் மூடியிருக்கவில்லை. பேரார்வத்துடன் உள்ளே நுழைய சில வருடங்கள் கழித்து சந்திக்கும் சில நண்பர்கள். இப்படித்தான் ஆரம்பமானது கடந்த வாரயிறுதி நாட்கள்.

சுமார் ஏழெட்டு வருடங்களுக்கு முன்பு நான் கடைசி பெஞ்சில் அமர்ந்து சரோஜாதேவி புத்தகத்தை சத்தம்போட்டு வாசிக்க, என்னைச் சுற்றி கதை கேட்கும் மழலையின் பாங்குடன் அமர்ந்திருந்த அதே நண்பர்கள் குழு. காலம் செய்த கோலத்தில் ஒவ்வொருவரும் ஒவ்வொரு திசையை நோக்கி பயணித்துக்கொண்டிருக்க, இப்போது மற்றொரு நண்பனின் திருமண நிகழ்விற்காக ஒன்றுகூடியிருக்கிறோம்.

“நீ எங்க வேலை செய்யுற...?”, “எப்பல்லருந்து மச்சி சரக்கடிக்க ஆரம்பிச்ச...?”, “ங்கொய்யால இன்னுமா அதே ஃபிகரை லவ் பண்ணுற...?”, “நீ ஒருமுறை என்கிட்ட சண்டை போட்ட ஞாபகமிருக்கா...?” இப்படியான பரஸ்பர கேள்வி பதில் பகுதிகளோடு, பியர் பாட்டில்களும், பிராந்தி டம்ளர்களும் காலியாகின. அரை மயக்கத்தில் கோயம்பேடு ஆம்னி பஸ் ஸ்டாண்டு நோக்கி நகர்ந்துக்கொண்டிருந்தோம். சும்மாவே பாசத்தை பொழிபவர்கள், போதையில் இருந்தால் சொல்லவா வேண்டும்.

மதுரையை நோக்கி பயணிக்கும் குளிர்பதன பேருந்தின் கடைசி இருக்கைகளை ஆக்கிரமித்துக்கொண்டோம். பேருந்து கிளம்பியதும் மறுபடியும் ஒவ்வொருவருடைய சுயசரிதையும் விவாதிக்கப்பட்டது. சிறிது நேரத்தில் பசியெடுக்க, ஏற்கனவே வாங்கி வைத்திருந்த பிரியாணி, புரோட்டா பொட்டலங்களை பிரித்தோம். எனதருகே அமர்ந்திருந்த பாசக்கார நண்பன் ஆசையாய் கேட்டதால், ஒரு அவித்த முட்டையை எடுத்து அவன் வாயில் திணித்தேன். அதை அவன் ஆம்லேட்டாக மாற்றி என்மேல் கக்கினான். ஏசி பஸ் முழுவதும் நாறி நசநசத்துவிட்டது. திருநெல்வேலிக்கே அல்வா, திருப்பதிக்கே லட்டு என்ற பாணியில் எனக்கே ஆம்லேட் போட்டு காட்டிய ஸ்ரீகணேஷ் நிச்சயம் சரித்திரத்தில் இடம்பிடிப்பான்.

அவித்த முட்டையை ஆம்லெட்டாய் மாற்றிய அதிசயப்பிறவி...!

அதன்பிறகு பயணம் எப்படி அமைந்தது என்று சொல்ல வேண்டியதில்லை. காலையில் மதுரையை நெருங்கும்போதே வம்ப வெலைக்கு வாங்கும் நோக்கத்தோடு மணிக்கு கால் செய்து லைவ் கமெண்ட்ரி கொடுக்க ஆரம்பித்தேன். காலை ஒன்பது மணியளவில் மணி எனது நண்பர்கள் குழுவுடன் இணைந்தார். அனைவரும் பேருந்து நிலையம் எதிரே அமைந்துள்ள டெம்பிள் சிட்டி உணவகத்தில் சிற்றுண்டி முடித்தோம். இப்போது மணி 9.35 ஆகியிருந்தது. சுமார் இருபத்தைந்து நிமிடங்கள் கையை பிசைந்துக்கொண்டு நிற்க வேண்டியதாயிற்று. பின்னே, கடை பத்து மணிக்கு தானே திறப்பாங்க.

அன்றைய தினத்தின் முதல் வாடிக்கையாளர் நம்ம கஞ்சாநெஞ்சன் மணிவண்ணன் தான். மதுரை மதுக்கூடத்தில் ஃபுரூட் சாலட், கொய்யாக்கனிகள் என உடலுக்கு ஆரோக்கியம் தரும் சைடு டிஷ்கள் கிடைத்தது பாராட்டவேண்டிய ஒன்று. நேற்றிரவு எனக்கு ஆம்லேட் போட்டுக்காட்டிய கயவனை எனது மைத்துனர் நெப்போலியன் துணையோடு பழிவாங்க போராடினேன். ஆனால் விதி வேறுவிதமாக விளையாடி விட்டது. ஒரு கட்டத்திற்கு மேல் எல்லாம் மாயா மாயா சாயா சாயா. மணியான பதிவரை யார் வழியனுப்பி வைத்தது...??? ஷார்ட்ஸ் அணிந்திருந்த நான் எப்போது பேண்ட்டுக்கு மாறினேன்....??? மதுரையிலிருந்தவன் எப்போது விருதுநகருக்கு வந்தேன்...??? எல்லாம் மாயை...!

கண்விழித்து பார்த்தபோது விருதுநகர் VVS திருமண மண்டபத்தின் மாடியறையில் படுத்திருந்தேன். கீழே விழாக்கோலம் பூண்டிருந்தது. இரும்படிக்கிற இடத்தில் ஈக்களுக்கு என்ன வேலை. விழா அரங்கை லாவகமாக கடந்துவந்து மறுபடியும்... வேறெங்கே கழுதை கெட்டா குட்டிச்சுவரு டாஸ்மாக்தான். மதுரையை காட்டிலும் விருதுநகர் ஓஸ்தி. அந்த மதுக்கூடத்தின் சுவரெங்கும் மல்லிகா ஷெராவத், தீபிகா படுகோன், பூனம் பாண்டே மற்றும் பல உலகலெவல் ஃபிகர்களின் கவர்ச்சிப்படங்கள். பூனம் பாண்டேயின் தொப்புளில் யாரும் காறித்துப்பாமல் இருந்தது அது புதிதாய் கட்டப்பட்ட மதுக்கூடம் என்பதை பறைசாற்றியது.

இரவு மீண்டும் மண்டப அறையில், நண்பன் ஒருவன் சொன்ன சுவாரஸ்யமான மலேசியக் காதல் என்னுள் ஒரு நாவலின் தாக்கத்தை ஏற்படுத்திக்கொண்டிருந்தது. உறங்காத விழிகளுள் கனவுகளை நிரப்பியபடி மணமகனும் எங்களுடன் தங்கியிருந்தான். மணி பன்னிரண்டை கடந்ததும் “இன்னைக்கு எனக்கு கல்யாணம்...!” என்று அவன் உற்சாகமாய் துள்ளிக்குதித்ததை பார்க்கும்போது பரிதாபமாக இருந்தது.

பொழுது விடிந்தது, சில மணிநேரங்களில் நண்பனுக்கு திருமணம். இந்த சமயத்தில் அவனைப் பற்றி சில வரிகள் சொல்லியாக வேண்டும். அவனுக்கு குமரிமுத்து ரேஞ்சுக்கு கூட கண்ணடிக்க தெரியாது. அவனுக்கு காதல் திருமணம் கைகூடியிருப்பது உலக அதிசயங்களில் ஒன்றாகத்தான் இருக்க வேண்டும். உலக நடப்புகளைப் பற்றி ஒன்றும் அறியாதவன். நான் லத்திகா படத்திற்கு அழைத்துச்சென்றபோது கூட வெள்ளந்தியாக என்னுடன் வந்து படம் பார்த்தவன். இருப்பினும் லத்திகா படத்தையே தாங்கிக்கொண்டவன் இந்த துயரத்தில் இருந்து விரைவில் மீண்டு வருவான் என்று நம்புகிறேன்.

ரொமாண்டிக் லுக்...!

பெரியோர்கள் முன்னிலையில், சொந்தபந்தங்கள் கூடி, நண்பர்களின் அலப்பறைகளோடு “பல்” என்று பலராலும் அன்போடு அழைக்கப்படும் எங்கள் நண்பனின் திருமணம் இனிதே நடந்துமுடிந்தது.

அன்றாட பணிகள் அவரவர் சட்டைக்காலரை பிடித்து இழுத்தமையால் உடனடியாக மணமக்களை வாழ்த்திவிட்டு எங்களது அன்பை மட்டும் பரிசாகக் கொடுத்துவிட்டு அங்கிருந்து விடைபெற்றோம். பேருந்து நிறுத்தத்தை அடைந்தபோது விருதுநகருக்கே உரித்தான எண்ணையில் தோய்த்த பரோட்டா...! ஆனால் ஏற்கனவே வயிறும் மனதும் நிரம்பியிருந்ததால் புறக்கணிக்க வேண்டியதாகிவிட்டது. மறுபடியும் மதுரை. இந்தமுறை மணியை அழைக்கவில்லை. மிலாடி நபி காரணமாக கடை விடுமுறை என்பதால் அவரை அழைத்துவந்து ஏமாற்றமளிக்க மனம் ஒப்பவில்லை.

“சென்னை போகனுமா...? வால்வோ பஸ்... ஏசி பஸ்...” என பேருந்து புரோக்கர்கள் கையைப் பிடித்து இழுத்தவண்ணம் இருந்தனர். இறுதியில் ஒரு குளிர்பதன பேருந்தில் ஏறி அமர்ந்தோம். இங்கிருந்து போகும்போது காதல் கதைகளோடு சென்ற பயணம், அங்கிருந்து வரும்போது காமக்கதைகளாக நகர்ந்துக்கொண்டிருந்தது. இன்னும் சில மணிநேரங்களில் சென்னை திரும்பிவிடுவோம், நண்பர்களை பிரிந்துவிடுவோம், மறுநாள் காலை அலுவலகம் செல்லவேண்டும் என்று நினைக்கும்போதே துக்கம் நெஞ்சை அடைத்தது.

பயணங்கள் முடிவதில்லை...!

என்றும் அன்புடன்,

N.R.PRABHAKARAN

பிரபா ஒயின்ஷாப் – 30012012

2012-01-30T00:07:00.000+05:30

அன்புள்ள வலைப்பூவிற்கு,

நேற்றைய அழுகாச்சி பதிவை மறந்துவிட்டு ஜாலி மூடோடு ஆரம்பியுங்க...!

கடந்த இரண்டு வாரமாக விரும்பியோ விரும்பாமலோ சேனல் மாற்றும்போது CCL எனப்படும் நட்சத்திர கிரிக்கெட்டை பார்த்து தொலைக்க வேண்டியிருக்கிறது. நான் சிறுவயதில் இருந்தபோது ரஜினி, அமிதாப்பெல்லாம் விளையாடிய கிரிக்கெட்டோடு ஒப்பிடும்போது இது எவ்வளவோ தேவலை. IPL புண்ணியத்தில் ரொம்பவே ப்ரோபஷனலாக விளையாடுகிறார்கள் அல்லது விளையாடுவது போல நடிக்கிறார்கள். தமிழில் வர்ணனை செய்வதைப் பற்றி என்ன சொல்வதென்று தெரியவில்லை. ஆங்கில வர்ணனைகளை அரைகுறையாக புரிந்துக்கொண்டு பார்ப்பதற்கு இது பெட்டர். ஆனால் அப்படியே ஆங்கில வர்ணனையாளர்களின் தொனியை காப்பி அடிப்பதும், அதிக பிரசங்கித்தனமாக பேசுவதும் (என்னைப் போல) சிரிப்பை வரவழைக்கிறது.

இந்தியாவின் குடியரசு தினமான ஜனவரி 26 அன்று ஃபின்லாந்தில் இருந்து இந்திய தலைநகரான டெல்லி நோக்கி பயணித்தவர்களுக்கு ஓர் இன்ப அதிர்ச்சி. திடீரென வரிசையாக விமானத்திற்குள் நுழைந்த பணிப்பெண்கள் இந்திய குடியரசை போற்றும் (!!!) வண்ணம் டான்ஸ் ஆடி அசத்தியிருக்கிறார்கள். அதுவும் ஓம் ஷாந்தி ஓம் படத்தில் வரும் ஃபேமஸான பாடல், பாலிவுட் ஸ்டைல் நடனம்.

ஆப்பிளின் தமிழ்ப்பெயர் எத்தனை பேருக்கு தெரியும். தமிழ்க்கவிதைகளில் அதிகம் பயன்படுத்தப்படும் பழம் ஆப்பிளாகத்தான் இருக்கும். ஆதாம் ஏவாள் சாப்பிட்ட பழமாச்சே. ஆனால் பெரும்பாலும் தமிழிலும் ஆப்பிள் என்றே குறிப்பிடுகின்றனர். தெரிந்துக்கொள்ளுங்கள், ஆப்பிளின் தமிழ்ப்பெயர் அரத்திப்பழம். இன்னும் சில பழங்கள்: ஆரஞ்சு - நரந்தம்பழம், ஸ்ட்ராபெர்ரி – செம்புற்றுப்பழம், WaterMelon – குமட்டிப்பழம் அல்லது தர்பூசணி. ஆங்... பதிவர்கள் முக்கியமா தெரிந்துக்கொள்ள வேண்டியது: லிச்சி – விளச்சிப்பழம்.

நன்றி: HIOX

சமீபத்தில் ஒருநாள் தொலைக்காட்சியில் வேலாயுதம் என்ற ஒலகப்படத்திலிருந்து சில்லாக்ஸ் பாடலை பார்த்துக்கொண்டிருந்தேன். ஹீரோயினின் கும்மாங்குத்து ஆட்டத்தோடு பெண் பாடகியின் கிளாசிக் ஸ்டைல் பொருந்தவே இல்லை. நமக்கு அதுவா முக்கியம், ஹன்சிகாவின் வாளிப்பான தோற்றத்தை கண்களால் வாலிபால் ஆடிக்கொண்டிருந்தேன். அம்மணியின் கழுத்தை மட்டும் திருகி எடுத்து வேறு ஏதாவது லட்சணமான முகத்தை பொருத்தினால் சிறப்பாக இருக்குமென எண்ணிக்கொண்டேன். பாடலின் நடுவே ஏதோ ஒரு வரி மிஸ் ஆனது போல் தெரிய, ஆடியோவில் கேட்டுப் பார்த்தேன். “கட்டபொம்மன் பேரன்... கத்திமீசை வீரன்... முத்தம் வச்சு குத்திக்கொல்லு செத்துப்போறேன்...!” இதில் சிகப்பு வரிகள் மட்டும் நீக்கப்பட்டிருந்தன. ஒருவேளை கட்டபொம்மனை அவமானப்படுத்திவிட்டார்கள் என்று யாராவது கேஸ் போட்டிருப்பார்களோ...!

ஜொள்ளு:

பழைய கள்ளு...!

ட்வீட் எடு கொண்டாடு:

Siva_Says siva subramani

எப்போதும் மொக்கைபோடும் காதலியிடம் நாம் அவளைவிடக் குறைவாகவே மொக்குதல் நலம்! இதில் நாம் அவளை மிஞ்சினால்.. அவள் நம்மை மிஞ்சுவாள்! தேவையா??

ubaisaji உபைதுல்லா

மோசமான கருத்துக்களை சென்சார் செய்ய நாங்க ரெடி! - ட்விட்டர் அதிரடி # நீங்க இப்ப சொன்னதே மோசமான கருத்துதான்.

jroldmonk ஜூனியர் ஓல்ட்மாங்க்

புடவை விளம்பரத்தில் 'சாத்வீகம்',அருந்ததியில் 'பயானகம்',பாடல் காட்சிகளில் 'ப்ரஜோதகம்' #அனுஷ்கா

losangelesram கலக்கல் கபாலி

டெய்லி ராஜா-ரஹ்மான், வாழ்த்துக்கள்-வாழ்த்துகள் சண்டை, தாங்கல சாமிங்களா!

இந்த கடைசி ட்வீட் சொல்லுற மேட்டர்ல நானும் பாதிக்கப்பட்டிருக்கேன். ட்விட்டர், ஃபேஸ்புக், பிளஸ்ன்னு எங்கே போனாலும் விரட்டி விரட்டி அதே மொன்னையான ராஜா vs ரஹ்மான் விவாதம். அதிலும் சில பேர் எது(க்)கெடுத்தாலும் ராஜா ராஜா தான்னு மொக்கையா கமெண்ட் பண்றது கடுப்பை கிளப்புது. நாங்க மட்டும் என்ன ராஜா ராஜா இல்லை, கனிமொழின்னா சொன்னோம். அதேபோல தான் மொழிப்பிரச்சனையும் வாழ்த்துக்கள், வாழ்த்துகள், வாத்துக்கள் எப்படி இருந்தா என்ன, யாருக்கு சொல்றோமோ அவருக்கு புரிஞ்சா போதாதா...???

அறிமுகப்பதிவர்: பூங்கதிர் ஃபோட்டூன்ஸ்

அடல்ட்ஸ் ஒன்லி எச்சரிக்கை. அதையும் தாண்டி உள்ளேபோனால் பாக்யராஜ் புகைப்படம். அதற்கு கீழே “என் தலைவன் கே.பாக்யராஜ் வாழ்க பல நூற்றாண்டு” என்ற வாக்கியம். “ஒரு மாதிரியாகவே” இருந்தது அவரது வலைப்பூ. ஜொள்ளுவதெல்லாம் உண்மை பகுதியில் நடிகர், நடிகைகளை வைத்து மேலோட்டமான இரட்டை அர்த்த ஃபோட்டோ கமெண்ட்ஸ். இன்னொரு பதிவில் அதே மாதிரியான ஃபோட்டோ கமெண்ட்ஸ். இவை தவிர அடல்ட்ஸ் ஒன்லி என்று சொல்லும் அளவிற்கு மோசமாக எதுவும் இல்லை. காதல் கவிதைகள், ட்விட்டர் ஸ்டைல் கமெண்ட்ஸ் என்று எல்லாமே இருக்கு நல்லாவே இருக்கு.

நம்ம சென்னை:

நறுக்கென்று பத்து பத்து நொடிகளாய் ஆறு ட்ரைலரை எடுத்து வைத்துக்கொண்டு அருமையாய் மெரீனா படத்திற்கு மார்கெட்டிங் செய்கிறார்கள். கூடவே இந்தப்பாடலும்.

கேட்கவும் பார்க்கவும் சென்னைவாசிகளை சிலிர்க்க வைக்கிறது...!

நைஜீரியன் காதல்:

இந்த குறும்படம் சூப்பர் என்று சொல்லமுடியாது. ஆனா, இதுல வர்ற பொண்ணு செம ஃபிகர். சான்ஸே இல்லை.

வழக்கமா மூக்குத்தி போட்ட ஃபிகர்களை ரசிப்பதில்லை. சில சமயங்களில் மட்டும் Exception...!

தன்னுடைய ரசிகனுடன் பவர் ஸ்டார்:

போட்டோ கமெண்ட்ஸ் எதிர்பார்க்கப்படுகிறது

சி(ரி)றப்பு புதிர்ப்போட்டி:

பழம்பெரும் பதிவர் ஒருவரின் சிரிப்பு...! யாருன்னு கண்டுபிடிங்க...?

பிரபல பதிவரின் சிரிப்பு...! by Nr Prabhakaran

டிஸ்கி: கண்டுபிடிப்பவர்களுக்கு வெத்தலை பொட்டி ஒன்று பரிசாக வழக்கப்படும்.

என்றும் அன்புடன்,

N.R.PRABHAKARAN

திருவொற்றியூர் – புலம்பல்கள்...!

2012-01-29T00:00:00.001+05:30

அன்புள்ள வலைப்பூவிற்கு,

எச்சரிக்கை: கொஞ்சமே கொஞ்சம் பொது விஷயங்களோடு நிறைய பர்சனல் விஷயங்களை பகிர்ந்திருக்கிறேன். பிடிக்காதவர்கள் இங்கேயே நிறுத்திக்கொள்ளலாம்.

சென்னையின் பிரச்சனைகள் என்றால் வெளியூர்க்காரர்கள் வெயிலையும் உள்ளூர்க்காரர்கள் போக்குவரத்து நெரிசலையும் குற்றம் சாட்டுவார்கள். சென்னையை ஒட்டி அமைந்துள்ள திருவொற்றியூர் நகரத்தின் நிலை அதனினும் கொடிது. நகர்ப்புறங்களில் இருந்து திருவொற்றியூர் நோக்கி பயணிப்பவர்கள் ஊர் எல்லைக்குள் நுழைந்ததும் கரடு முரடான, எளிதாக போய்வர வழியில்லாத கொடுமையான சாலை வசதியை அனுபவிப்பார்கள். போகவும் வரவும் நாற்பதடிதான். மழைக்காலங்களில் இன்னும் கொடுமை. ஒவ்வொரு மழைக்காலத்திலும் திருவொற்றியூர் புகைப்படம் தினத்தந்தியில் தவறாமல் இடம்பெறும்.

தை பிறந்தால் வழி பிறக்கும்... கூடவே வலியும் பிறக்கும் போல...! திருவொற்றியூரின் போக்குவரத்து சிக்கலுக்கு தீர்வு கிடைக்கப்போகிறது என்பது ஒருபுறம் மகிழ்ச்சியாக இருந்தாலும், சாலை விரிவாக்கப் பணிகள் காரணமாக என் தந்தையின் கடை, வீடு பாதிக்கு மேல் இடிபட போகிறது. இப்பொழுதே வீட்டில் அனைவரும் இடிந்துபோய் தான் இருக்கிறோம்.

அம்மாவின் டென்ஷன் பேசப் பேசத்தான் குறையும். அப்பாவின் டென்ஷன் பேசாமலிருந்தால் தான் குறையும். இருவரது கண்களில் எந்தவொரு சமயத்திலும் கண்ணீர் கசிந்துவிடக் கூடாதென்பது என்னுடைய கவலை. ஓரளவுக்கு பக்குவப்பட்ட (!!!) எனக்கே இப்படியென்றால் என் தங்கையின் மனநிலை எப்படி இருக்கும்..? அன்றாட வாழ்வாதாரத்திற்காக தன்னுடைய கடையின் வருமானத்தை மட்டுமே நம்பியிருக்கும் கடைக்கோடி வியாபாரியின் மனநிலை...???

நீங்கள் பல வருடங்களாக உழைத்து சம்பாதித்த வீடோ, கடையோ சில நொடிகளில் பொக்லைன் இயந்திரத்தால் தரைமட்டமாக்கப்படும்போது எப்படி இருக்கும்...?

கடந்த வாரம் சனிக்கிழமை, எங்கள் மக்கள் தங்கள் அன்றாட பணிகளுக்காக நகரம் நோக்கி பயணித்துவிட்டு மாலை வீடு திரும்பும்போது திருவொற்றியூர் ஒட்டுமொத்தமாக உருமாறியிருந்தது. காலையிலேயே மின்சாரம் நிறுத்தப்பட்டுவிட்டது. மதியம் பன்னிரண்டு மணிவாக்கில் பொக்லைன் இயந்திரங்கள் ஆங்கிலப்பட டைனோசர்கள் போல ஊருக்குள்ளே நுழைந்தன. முந்தய நாள் இரவே தகவல் தெரிந்திருந்ததால் வியாபாரிகள் தத்தம் கடைகளை காலி செய்துக்கொண்டிருந்தனர். கலவரம் நடந்தாற்போல ஊர் முழுவதும் பரபரப்பு, காக்கிசட்டைகள். ஈவு இறக்கமில்லாமல் வீடுகளும் கடைகளும் இடித்து தள்ளப்பட்டன. ஒருசில கடைகளுக்கு முன்னெச்சரிக்கை கிடைக்காமல் போக பொருட்களோடு கடைகள் இடிக்கப்பட்டன.

இந்த விவகாரத்தில் திருவொற்றியூரை மூன்றாக பிரிக்கலாம். ஒன்று, மெயின் ரோட்டோரம் சொந்தக்கடை அல்லது வீடு வைத்திருப்பவர்கள். இரண்டு, மெயின் ரோட்டோரம் வாடகை கடை / வீடு வைத்திருப்பவர்கள். (இந்த லிஸ்டில் நம்ம பதிவர் அஞ்சாசிங்கமும் இருக்கிறார். மனிதர், அவருடைய அலுவலகம் அடித்து நொறுக்கப்படும்போது கூட ‘பாட்ஷா’ ரஜினிகாந்த் மாதிரி சிரித்தபடி இருந்தார். கூலர்ஸ் வேறு). மூன்றாவது, வீதிகளில் அல்லது கடலோரச் சாலையில் வசிப்பவர்கள்.

மூன்றாவது பிரிவினர், நிறைய பேர் விஷயம் என்னவென்று தெரியாமல் இது என்னவோ முதலாளித்துவ வர்க்கத்திற்கு எதிரான புரட்சி போராட்டம் என்று நினைத்துக்கொண்டிருக்கிறார்கள். இன்னும் சிலர் ஷங்கர் படத்தில் வரும் பொதுஜனம் ரேஞ்சுக்கு “வெச்சான் பார்யா ஆப்பு”, “இவ்ளோ நாள் ஆடுனீங்கல்ல... சாவுங்கடா” போன்ற கமெண்ட் அடிக்கும்போது வேடிக்கையாக இருந்தாலும் வேதனையாக இருக்கிறது. தனது கடையின் பெயர்பலகையை கழட்டிக்கொண்டிருந்த வியாபாரி ஒருவரைப் பார்த்து பொதுஜனம் அடித்த கமெண்ட் – “ங்கோத்தா... கடையே போயிடுச்சு லூசுக்கூதி போர்டை கழட்டிட்டு இருக்கான்...”

இடிக்கப்பட்ட கட்டிடங்கள் அரசாங்கத்தை ஏமாற்றி, விதிமுறைகளை மீறி, பொதுவழியை ஆக்கிரமித்து கட்டப்பட்டவை என்பது அவர்களது எண்ணமாக இருக்கலாம். ஆனால் உண்மை அதுவல்ல. பெரும்பாலானவர்களிடம் பட்டா இருக்கிறது. ஆம் அரசாங்கம் பணம் தருகிறது. தற்போதைய நிலவரப்படி திருவொற்றியூர் நெடுஞ்சாலையில் ஒரு சதுர அடி 4000ரூ. ஆனால் அரசாங்கம் தருவதோ 910ரூ. (அன்பே சிவம்...!) அந்த தொள்ளாயிரத்து பத்தையும் நாயாக அலைந்து திரிந்து வாங்க வேண்டும். மேலே சொன்னது காலியிடத்தின் விலை மட்டுமே. அங்கே கட்டிய வீடு, அதற்காக செலவழிக்கப்பட்ட பணம் எல்லாம் ~~காந்தி~~ மகான் கணக்கு தான்.

இவ்வளவையும் செய்தால் உடனே திருவொற்றியூர் சிங்கப்பூராக ஆகிவிடுமா...? அதற்கு நிறைய தடைகள் உள்ளன. மரங்கள், மின் கம்பங்கள், தெரு விளக்குகள், ட்ரான்ஸ்பார்மர்கள் போன்றவற்றை அப்புறப்படுத்த வேண்டும். அதனினும் கொடிது, ஒவ்வொரு தெருமுனையிலும் தவறாமல் வீற்றிருக்கும் கோவில்களையும் இடித்துதள்ள வேண்டும். எங்கள் வீட்டிற்கு நேரெதிரே மசூதி ஒன்று உள்ளது. மசூதியை இடித்தால் என்ன நடக்குமென்பது நான் சொல்லித்தெரிய வேண்டியதில்லை. அதற்கு சற்றே தள்ளி அமைந்திருக்கும் துலுக்கானத்தம்மன் கோவிலின் கோபுரம் கிட்டத்தட்ட நடுரோட்டில் இருக்கிறது. நல்லவேளையாக, தேவாலயங்களை முன்னெச்சரிக்கையாக உள்ளேதள்ளி கட்டியிருக்கிறார்கள். சொல்ல முடியாது, “ஹே... ஹே... பார்த்தீங்களா கோவில், மசூதியெல்லாம் இடிச்சிட்டாங்க... “சர்ச்சை” மட்டும் இடிக்கவில்லை... கர்த்தர் டீவிக்கிறார்...!” என்று சொல்லி ஆள்சேர்க்கப் பார்த்தாலும் பார்ப்பார்கள்.

எல்லாம் முடிந்து திருவொற்றியூர் விரிவடைந்த சாலையாகவும், வியாபாரிகள் விழுந்த அடியில் இருந்து மீண்டு வரவும் குறைந்தது ஆறு மாதங்கள் வரை ஆகலாம். இதுவும் கடந்துபோகும்...!

இன்னும் சில வாரங்களில் என்னுடைய வசிப்பிடமும் தகர்க்கப்படலாம். அதை நான் எதிர்க்கவில்லை, ஆனால் வருந்துகிறேன்.

என்றும் அன்புடன்,

N.R.PRABHAKARAN

ராமராஜனின் மேதை – இறங்கிடுச்சு போதை – திகில் கில்மா காமெடி கும்மி விமர்சனம்

2012-01-17T02:36:00.000+05:30

மொக்கையா இருக்குற மாமா பொண்ணு எப்படா வயசுக்கு வருவான்னு முறைப்பையன் காத்திருப்பான். ஆனா சந்தர்ப்பம் அமையாது. அப்ப திடீர்ன்னு அம்சமா இருக்குற அத்தைப்பொண்ணு வயசுக்கு வந்து குத்தவச்சா எப்படி இருக்கும்? அப்படி ஆனந்ததொல்லைக்கு காத்திருக்கும் நேரத்தில் கிடைக்கும் ஜில்ஜில் மல்மல் சர்ப்ரைஸ் தான் மேதை.

அதிரடியான ஒன்பதுலைன் ஸ்டோரி, மாஸ் கலர் ஹீரோ, கிளாமர் குயின்ஸ் கட்டுடல் பன்னீஸ் 2 முத்தலான ஃபிகர்ஸ், ஏழு சூப்பர்அட் சாங்ஸ் இத்தனையும் கக்கத்தில் வைத்துக்கொண்டு இயக்குனர் சிக்ஸர் அடிப்பார் என்று பார்த்தால் அவர் கோல் போட்டுவிட்டார். (ஹி... ஹி... கிரிக்கெட் நஹி... ஃபுட்பால்...)

படத்தோட கதை என்ன? (ஹி... ஹி... படம் பார்த்தவன் நீதானேன்னு நீங்க சொல்றது புரியுது... நோ பேட் வேர்ட்ஸ்... நானே சொல்றேன்...) சென்னை புழல் ஜெயில்ல கைதியா இருக்குறாரு ராமராஜன் (பின்னே சென்ட்ரல் ஜெயில்ல டாக்டராவா இருப்பாங்க). அவரு ஜெயில்ல இருந்ததுக்காக நல்லாசிரியர் விருது கொடுக்குறாங்க. தண்டனைக்காலம் முடிஞ்சு அண்ணன் வெளியே வர்றாரு. ஆனாலும் ஒயிட் அண்ட் ஒய்ட்லையே சுத்திங். (இதுக்கு உள்ளேயே இருந்திருக்கலாம்). அப்பப்ப ஊர்ல நடக்குற, பறக்குற, ஓடுற அநியாயத்தை எல்லாம் தட்டி கேக்குறாரு.

ஒருநாள் படத்தோட செகன்ட் வில்லனோட ஆளுங்க நாலு பேரை ஹீரோ அடிச்சுடுறாரு. உடனே அவங்க நாப்பது பேரை கூட்டிட்டு வர்றாங்க. (ஆல் ஜென்ட்ஸ்... நோ லேடீஸ்... மீ ஃபீலிங்...) அவங்களையும் ஹீரோ அடிச்சிடறாரு. (ரெண்டு ஃபைட்டிங் சீன் ஓவர்... கில்மா சீன் தான் வரலை...). அதுக்கு அப்புறம் செகன்ட் வில்லன் நேரடியா வர்றாரு. ஆனா ராமராஜனை பார்த்ததும் பயந்து ஓடிடுறாரு. (எனக்கே பயமா தான் இருந்துச்சு...). அவர் ஏன் பயந்து ஓடினாரு...? ஃபிளாஷ்பேக்.

ஹீரோ ஒரு பள்ளிக்கூட வாத்தியார் (கவிதை வீதி செளந்தர், வேடந்தாங்கல் கருண் மாதிரி). ஆனா இவரு ரொம்ப நல்லவர். (நோ காப்பி பேஸ்ட்). ஃபீஸ் கட்டமுடியாம இருக்குற ஏழை பசங்களுக்காக அறக்கட்டளை ஒன்னு ஆரம்பிச்சு ஹெல்ப் பண்றாரு. (சிவா, செல்வின் க்ரையிங்).

அந்த டைம்ல (அப்ப மணி 12:15... ஹி... ஹி...) ஹீரோயின் கபடி மேட்ச்ல ஜெயிக்கிறாங்க. மைனஸ் முப்பது மார்க் போடலாம். (மீ நோ லைக். சிவா ஒன்லி ஜொள்ளு). படத்துல கதை கம்மின்னாலும் ஹீரோயினுக்கு சதை அதிகம். (ஹி... ஹி... ஹீரோயின் குளிக்கும்போது மீ ஒளிஞ்சு நின்னு பாத்திஃபை). ஆனா பாருங்க ஹீரோயினோட அத்தைப் பையன்தான் ராமராஜன். (வயசாயிடுச்சுன்னு அத்தைப்பையன்னு சொல்லாம அத்தை அங்கிள்ன்னு சொல்லலாமா #டவுட்).

ஹீரோயினை கதற கதற (ப்ச்... நோ ரேப் சீன்) ராமராஜனுக்கு கட்டி வச்சிடறாங்க. அவர் ஃபர்ஸ்ட் நைடப்ப மாணவர்களுக்கு பாடம் சொல்லி தர்றாரு. (இப்ப மீ க்ரையிங்... பிட் மிஸ்ஸிங்...). கல்யாணத்துக்கு அப்புறம் ஹீரோ லைப்ஸ்டைல் டோட்டலா சேஞ்ச் ஆகுது. அதுவரைக்கும் வேட்டி, சட்டை போட்டிருந்தவர் அதுக்கப்புறம் ஜீன்ஸ் போட ஆரம்பிக்கிறார். (ஜட்டி மட்டும் ஆல்வேஸ் மை குரு’ஸ் பிராண்ட்).

செகன்ட் ஹீரோயினா ஒரு கில்மா ஃபிகர் கம்மிங். மைனஸ் இருபது மார்க் தான் போட முடியும். (ஹி... ஹி... நவ் ஐயாம் ஆல்சோ வாத்தியார்). அவங்களுக்கும் செகன்ட் ஹீரோவுக்கும் லவ்வு. ஆனா அவரோட அண்ணன் வேற மாப்பிள்ளை சர்ச்சிங். பொண்ணு எஸ்கேப்பிங். ராமராஜன் சேவிங். (ஒய் நோண்டிங் நோண்டிங்). அதுக்கப்புறம் என்ன நடந்ததுன்னு தியேட்டர்ல போயி பாருங்க... (ஏன்னா மீ பதிவு போட லேப்டாப் ஒப்பனிங்).

ராமராஜன் வழக்கமா கலர் சட்டைல வர்றவர் இந்தப்படத்துல கதர் சட்டைல வர்றாரு (பாலிடிக்ஸ்?). அவர் கதர் சட்டைல வந்தது பலமா? பலவீனமான்னு அடுத்த படத்துல தான் தெரியும்? (சப்போஸ் அடுத்த படம் வந்தா)

ரெண்டு ஹீரோயின். (ஆனா ரெண்டுமே மொக்கை ஃபிகர்ஸ்). மை மணி வேஸ்ட். ஒரு ஹீரோயினுக்கு ரவுண்டு முகம். (அதனால ஒரு ரவுண்ட் வருவாரான்னு கேட்கக்கூடாது). இன்னொரு ஹீரோயின் காட்டு காட்டுன்னு காட்டுறார். (ஹி... ஹி... நடிப்பை தான்... மீ நல்லவன்...)

இயக்குனர் பாராட்டு பெறும் இடங்கள்

1. படம் நெடுக நரம்புகளை புடைக்கச் செய்யும் அதிரடியான வசனங்கள்... 36 தேறுச்சு... அதுல 22 நினைவுல இருக்கு, தனி பதிவு போடுறேன்.

2. படத்துல ராமராஜன்தான் ஹீரோ என்று உணர்த்துவதற்காக அவர் மாணவர்களுக்கு ஹீரோ பெண் தருவது போல காட்சியமைத்தது.

3. முதலிரவுக்கு லேட் ஆயிடுச்சு என்பதை பால் திரிஞ்சு தயிராயிடுச்சு என்ற காட்சி மூலமாக காட்டிய சாமர்த்தியம்.

4. ஹீரோவும் வில்லனும் சண்டை போடும்போது கிளாமருக்காக பின்னாடி ரெண்டு ஃபிகர்களை டான்ஸ் ஆட வைத்த சீன்.

5. கஞ்சா கருப்பு காமெடியை வைத்து ரசிகர்களுக்கு மெசேஜ் சொல்லியிருப்பது பாராட்டப்பட வேண்டிய விஷயம்.

தயாரிப்பாளர் தர்ம அடி வாங்கிய இடங்கள்

சாந்தி, பேபி ஆல்பட், உதயம், மோட்சம், MM தியேட்டர், மாயாஜால், ரோகிணி, கிருஷ்ணவேணி, கோபிகிருஷ்ணா, மகாலட்சுமி மற்றும் உலகமெங்கும்.

இயக்குனரிடம் சில கேள்விகள்

1. ஹீரோ ஹீரோயினை பார்த்து சேலையில் பூத்த பூவேன்னு பாடுறாரு. ஆனா அந்த சமயத்துல ஹீரோயின் மாடர்ன் டிரஸ்தான் போட்டிருக்காங்க. ஏன் ஹீரோயினுக்கு சேலை கட்ட தெரியாதா...? அல்லது ஹீரோவுக்கு சேலை கட்டிவிட தெரியாதா...?

2. மாணவர்களை வில்லன் கடத்திட்டு போற காட்சியில ஏற்கனவே ஸ்கார்பியோ வண்டியில நாலு பேரு இருக்காங்க. மாணவர்கள் மொத்தம் ஏழு பேரு. ஒரே ஸ்கார்பியோவுல மொத்தம் பதினோரு பேருக்கு எப்படி இடம் பத்துச்சு...?

3. வில்லனுக்கு எப்படி பார்த்தாலும் குறைஞ்சது அம்பது வயசு இருக்கும். ஆனா வில்லனோட தங்கச்சிக்கு மட்டும் இருபது வயசுதான் ஆகுது. ஒருவேளை ரெண்டாம் தாரத்து பொண்ணா...? அப்படின்னா அதை ஏன் படத்தில் சொல்லவில்லை...?

4. ஹீரோயின் நடுராத்திரியில எழுந்து மூஞ்சிக்கு தண்ணியடிக்கிற மாதிரி காட்டுறாங்க. அந்த சீன் பெண்களை கொச்சைப் படுத்துற மாதிரி இருக்கே...? பெண்களை கிண்டலடித்த இயக்குனருக்கு எனது கடும் கண்டனங்களை பதிவு செய்கிறேன்.

5. ஹீரோ ஒரு காட்சியில் பெண் கொடுத்தா உறவு முடிஞ்சிடும்ன்னு சொல்றார். அது எப்படி பெண் கொடுத்தா சம்மந்தி உறவு வருதே...? ஒரு எட்டாம் கிளாஸ் வரை படித்த இயக்குனருக்கு இதுகூட தெரியாதா...?

6. கதைப்படி ஒரு செகன்ட் ஹீரோ, ஒரு செகன்ட் ஹீரோயின் ஆனா அவங்க ரெண்டு பேருமே படத்துல ஒரு செகண்டுக்கு மேலேயே வர்றாங்க. அது ஏன்...? ஒருவேளை இயக்குனருக்கு மணி பார்க்க தெரியாதா...?

காபி கமெண்ட்: படத்தோட போஸ்டரை கூட பார்த்துடாதீங்க...

எதிர்பார்க்கப்படும் சரோஜா தேவி மார்க்: 7.5

எதிர்பார்க்கப்படும் எதிர்வீட்டு ஃபிகர்: சூப்பர்

சென்னை கிருஷ்ணவேணி தியேட்டரில் கால்மேல் கால் போட்டு அமர்ந்து படம் பார்த்தேன்...

பஸ்கி 1: படத்துல ராமராஜன் கலர் சட்டைல வரக்கூடாதுன்னு யாரும் கேட்டுட கூடாதுன்னு ஒரே ஒரு பாட்டுல கலர் சட்டை போட்டுட்டு ஆடுறாரு.

பஸ்கி 2: நம்பர் ஒன் பதிவர் ஸ்டைலில் பதிவு போடச் சொல்லி அஞ்சாசிங்கம் செல்வின் தான் ஐடியா கொடுத்தார்.

பஸ்கி 3: மேலே இருக்கும் பஸ்கியை போடச் சொல்லி போன் போட்டு சொன்னவர் மெட்ராஸ் பவன் சிவகுமார்.

பஸ்கி 4:

மேதை – முதல்நாள் முதல்காட்சி

பஸ்கி 5:

மேதை: ஒரு சிறப்பு பார்வை...!

பிரபா ஒயின்ஷாப் – 16012012

2012-01-16T00:03:00.000+05:30

அன்புள்ள வலைப்பூவிற்கு,

வெளியூரில் இருக்கும் நண்பன் ஒருவன் ரொம்ப நாளாக கோபிநாத் எழுதிய தெருவெல்லாம் தேவதைகள் புத்தகம் வேண்டுமென்று கேட்டுக்கொண்டு இருந்தான். கடல்லயே இல்லையாம் என்று அலைக்கழித்த புத்தகம் ஒருவழியாக புத்தகக் கண்காட்சியில் கிடைத்தது. கவிதை ஏதாவது நல்லா இருந்தா பொண்ணுங்ககிட்ட நாமளே யோசிச்சு சொன்னா மாதிரி பிட்டைப் போடலாம் என்று புரட்டிப் பார்த்தேன். ம்ஹூம்... இதையெல்லாம் பொண்ணுங்க கிட்ட சொன்னா நீ அதுக்கு சரிப்பட்டு வரமாட்டன்னு சொல்லிட்டு கிளம்பிடுவாங்க. கோபிநாத்தே அவரது கவிதை தொகுப்பை திரும்பவும் படித்தால் கூட விழுந்து விழுந்து சிரிப்பார் என்றே நினைக்கிறேன். அவுட்டேட்டட்.

இந்த நண்ப பயலுக்கு ஏன் இந்த ரசனை...? தம்பிக்கு தபூ சங்கர் பற்றி தெரியாதென்று நினைக்கிறேன். எனக்கு காதல் வாழ்க்கை அமைய தபூ சங்கரின் குறிப்பிட்ட ஒரு கவிதை பேருதவி செய்தது. அத்தகைய வரலாற்று சிறப்புமிக்க கவிதை உங்கள் வாசிப்பிற்காக:

நீ ஒட்டப்போகும்

ஸ்டிக்கர் பொட்டுக்காக

காத்திருக்கிறது

என் குளியலறை...!

இன்னொரு டைட்டானிக் துயரம் நடந்தேறியிருக்கிறது. Costa Concardia என்கிற இத்தாலிய சொகுசுக்கப்பல் கடலிற்கு நடுவே இடறிய பாறையால் மூழ்க ஆரம்பித்திருக்கிறது. நான்காயிரம் பயணிகளுக்கும் மேல் தாங்கிச் சென்ற கப்பலில் இருந்து அதிர்ஷ்டவசமாக பெரும்பாலானோர் மீட்கப்பட்டுவிட்டனர். எனினும் இதுவரையில் ஐந்து பேர் இறந்திருப்பதாகவும் அறுபதுக்கும் மேற்பட்டோர் காணாமல் போயிருப்பதாகவும் தகவல்கள் தெரிவிக்கின்றன. இனி ஹாலிவுட் காட்டில் மழைதான்.

கப்பல் விபத்தில் இருந்து தப்பியவர்களில் ஒருவர்.

கடவுள் இருக்கான் கொமாரு...!

போட்டோவில் பாப்பா அநியாயத்துக்கு “இறக்கம்” காட்டியிருந்தார். நான்தான் சபை நாகரிகம் கருதி வெட்டி எறிந்தேன்.

ஜொள்ளு:

அணு அணுவாய் ரசிக்க வைப்பவர் அனு

ட்வீட் எடு கொண்டாடு:

athisha அதிஷா

கேள்விகேட்காமல் கோமியம் குடிப்பது போல தமிழ்புத்தாண்டையும் சித்திரையில் கொண்டாடுவோம் ;-)

RajanLeaks theTrendMaker™

வேஸ்ட்டா பயந்து செத்துருக்கோம்; பாப்பா நல்ல சோசியல் டைப்புதான்; பயபுள்ள தனுசு நோண்டி நொங்கெடுத்துருக்கான் - சூர்யா (Mind Voice)

ThirutuKumaran திருட்டுகுமரன்

தமிழன் என்று சொல்லடா! தண்ணி அடித்து ஸ்டெடியா நில்லுடா!!

NVaanathi வானதி நடனம்

ரொம்ப நாளுக்கப்புறம் தமிழ்மணம் ஓபன் பண்ணேன்.. ஏன் போனோம் என்றாகிவிட்டது. #நல்லா வைக்கிறாங்க தலைப்பெல்லாம்

ipokkiri போக்கிரி

விஜயகாந்த் வாயை மட்டுமல்ல, அனைத்தையும் மூடிக் கொண்டுள்ளார்-நேரு #கேப்டன்: எனக்கு இப்ப எங்க அரிக்குதுனு சொல்லுங்க பார்க்கலாம்?!

அறிமுகப்பதிவர்:

கடந்த வாரம் கிடைத்த கொஞ்சமே கொஞ்ச நேரத்தில் படித்த கொஞ்சமே கொஞ்சம் பதிவுகளில் புதியவர்கள் யாரையும் கடந்து வரவில்லை. அதனால் நோ அறிமுகப்பதிவர்.

ஆனால், சமீப காலங்களில் ஜே.கே என்ற பெயரில் எழுதி வருபவரின் இடுகைகள் எக்கச்சக்கமாக ரசிக்க வைக்கின்றன. தெருவிற்கு தெரு பதிவர்கள் கலவை இடுகைகள் எழுதி வந்தாலும் மிகச்சிலருடயது மட்டுமே ஸ்பெஷல். அந்த வகையில் இவர் வாராவாரம் எழுதிவரும் வியாழ மாற்றம் ஆரவாரம்.

நண்பேன்டா...!

காட்டுக்குயிலு மனசுக்குள்ள, முஸ்தபா முஸ்தபா பாடல்களுக்கு அப்புறம் மீண்டுமொரு அழுத்தமான ஃபிரெண்ட்ஷிப் பாடல். இனி நண்பர்களுடைய செல்போன் ரிங்டோன் இதுவாகத்தான் இருக்கும்.

நண்பர்களுக்காக நானே வெட்டிய நண்பன் ரிங்டோன்

திரும்பத் திரும்பப் பேசுற

நீயா நானா நிகழ்ச்சியில் ஜோசியக்காரர்கள், சூனியக்காரர்கள், பேய், பூதங்களை நம்புபவர்கள் வந்தாலே அல்டிமேட் நகைச்சுவைக்கு பஞ்சமிருக்காது. இங்க ஒருத்தர் வாயை விட்டுட்டு முழிக்கிறத பாருங்க...!

ஒரிஜினல் கார்த்திக் சுவாமிநாதன்

நேஷனல் வைல்ட் லைஃப் என்ற மேகசின் நடத்திய புகைப்பட போட்டியில் 2011ம் ஆண்டிற்கான விருதைப் பெற்ற சில புகைப்படங்களில் இதுவும் ஒன்று.

எடுத்தவர்: Rolf Nussbaumer. விருது பெற்ற மற்ற புகைப்படங்களையும் பார்க்க.

உபதேசம் (ஊருக்கு மட்டும்):

உணர்ச்சி அரியணையில் அமர்ந்திருக்கும்போது அறிவு வெளியே போய்விடும் – ஹென்றி

சுட்ட கவிதை:

இலக்கியம் பேசுபவனோடு

குடித்தல் ஆபத்து

போதையும் ஏறாது...

பேசுவதும் புரியாது...

முடிவில் உங்களை

முட்டாள் என்பான்...!

(முடியலத்துவம் – செல்வேந்திரன்)

நற்செய்தி:

கவுண்டமணி ரசிகர்கள் நற்பணி மன்றம் சார்பாக கொலைவெறி கொண்ட மூன்று பதிவர்கள் மேதை படத்தின் முதல் நாள் முதல் காட்சி பார்த்திருக்கிறார்களாம். அதனைத் தொடர்ந்து மேதை – சிறப்பு மலரின் முதல் படைப்பாக உங்கள் வாசிப்பிற்காக: மேதை

என்றும் அன்புடன்,

N.R.PRABHAKARAN

இது உங்க டைரியா பாருங்க...!

2012-01-15T05:15:00.000+05:30

அன்புள்ள வலைப்பூவிற்கு,

முதல் வாரம் புத்தகக் கண்காட்சிக்கு சென்றிருந்தபோது நான் அந்த புத்தகத்தைப் பற்றி கேள்விப்பட்டிருக்கவே இல்லை. அடுத்தவாரம் நுழைந்தால் திரும்பிய திசையெல்லாம்... “இது உங்க டைரியா பாருங்க!” இதுதான் புத்தகத்தின் தலைப்பு. எழுத்தாளர் பெயர் பொறிக்கப்படவேண்டிய இடத்தில் முந்தாநாள் புத்தம் புதிதாக வெளியான “நண்பன்” பட டைட்டில், அதே ஸ்டைலில். அட்டைப்படத்தின் பேக்ரவுண்டில் ரஃப் நோட்டு கிறுக்கல்கள். சிக்ஸ்த் சென்ஸ் பப்ளிகேஷன்ஸ் புத்தகங்களை மார்கெட்டிங் செய்வதில் ஒன் ஆஃப் தி கில்லாடீஸ். ப்ளீஸ்... இந்த புத்தகத்தை வாங்காதீங்கன்னு சொல்லி சொல்லியே நிறைய பேரை வாங்க வச்சவங்க. கையில் எடுத்து புரட்டிப் பார்த்தேன். பின் அட்டைப்பத்தியை படித்துப் பார்த்தேன். ஏதோ ஒரு உணர்ச்சிப்பெருக்கில் கடை எண்ணை குறித்து வைத்துக்கொண்டு நகர்ந்தேன்.

மதியம் கடந்து புத்தகங்களை வாங்க ஆரம்பித்த நேரத்தில் இது உங்க டைரியா பாருங்க மனதை ஆக்கிரமித்திருந்தது. ஏனோ அதன் அட்டைப்படத்தில் அறிவியல் = வரலாறு என்று அச்சடிக்கப்பட்டிருந்தது நினைவிற்கு வந்து சென்றது. நேராக குறுக்குவழியில் (!!!) புகுந்து F15 ஸ்டாலுக்கு நடையை கட்டினேன். திருநெல்வேலி சந்தையில் சீனிமிட்டாய் வைத்திருப்பது போல மேற்படி புத்தகத்தை அடுக்கி வைத்திருந்தார்கள். இந்தமுறை புரட்டிப்பார்க்கவில்லை. பணிப்பெண்ணிடம் பில் போடச்சொன்னேன். என் நீளமான தலைமயிரைப் பார்த்து நமுட்டுச்சிரிப்பு சிரித்தபடியே பில் போட்டார். வீட்ல கஷ்டம்... முடி வெட்டக்கூட காசில்லைன்னு நினைச்சிருப்பாங்க போல. அருகிலிருந்த நடுத்தரம், இந்த புஸ்தகத்தை எழுதினவர் வர்றாரு பாருங்க என்று வலப்புறமாக ஜாடை காட்டினார். அங்கே திரும்பிப் பார்த்தால்...

நம்முடைய படைப்பு ஒருவரால் வாங்கப்படுகிறது என்கிற பெருமிதத்தோடு சிரித்தபடி நடந்து வந்துக்கொண்டிருந்தார் அந்த இளைஞர். என்னைவிடவும் இரண்டு அல்லது மூன்று வருடங்கள் முன்பு பிறந்திருக்கக்கூடும். கை குலுக்கினேன். எனக்கு உங்களைப் பத்தியோ உங்க புத்தகத்தைப் பத்தியோ சத்தியமா எதுவும் தெரியாது. ஆனா, உங்க மார்கெட்டிங் திறமையும், அட்டைப்பட க்ரியேட்டிவிட்டியும் தான் இந்த புத்தகத்தை வாங்க வைத்தது என்றேன். அவரும் அவரது நண்பர்கள் இருவரும் இணைந்து எழுதியதாகச் சொன்னார். கூடவே, புத்தகம் படித்துவிட்டு கருத்து தெரிவிக்கவும் சொன்னார். ம்ம்ம் சரியென்று மையமாக தலையாட்டிவிட்டு கிளம்பினேன்.

முதல் சில பக்கங்களில் தான் தெரிந்துக்கொண்டேன் என்னிடம் காலையில் பேசியவர் பதிப்பாளரின் மகனாம். அதானே பார்த்தேன்... என்று மனதிற்குள் நினைத்துக்கொண்டேன். இந்த “அதானே பார்த்தேன்...” என்ற வார்த்தைக்குள் மட்டும் ஆயிரம் வலிகள், இயலாமைகள். திறமையிருப்பவர்களுக்கு வாய்ப்பு கிடைக்காமலும் திறமையில்லாதவர்கள் ரெகமண்டேஷனில் முன்னேறுவதையும் பார்த்து பொங்கி வழியும் பொங்கல். நிற்க, புத்தகத்தையே படிக்காமல் எப்படி அந்த இளைஞனை திறமையில்லாதவன்னு முடிவு செய்யலாம். புத்தகத்தை தொடர்ந்தேன். ஒவ்வொரு ஃபிரெண்டும் தேவை மச்சான் இதுதான் முதல் உபதலைப்பு. மொத்தம் ஒன்பது. முதாலவதை படித்து முடித்ததும்தான் என் கையில் தவழ்ந்துக்கொண்டிருப்பது ஒரு சிறுகதை தொகுப்பு என்பதையே உணர்ந்தேன்.

கடந்த பத்தியில் குறிப்பிட்ட அந்த முதல் சிறுகதை ஒன்றும் ஆஹா ஓஹோ வகையில்லை. “காலையில் எழுந்தேன்... காபி குடித்தேன்...” வகையறா தான். என்ன, காரை லவட்டுவது எப்படி என்று வேண்டுமானால் தெரிந்துக்கொள்ளலாம். அடுத்த கதையை வாசித்துக்கொண்டிருந்த வேளையில் முதல்முறையாக புத்தகத்தின் உள்ளே ஒரு வாக்கியம் எண்ணை ஈர்த்தது. மணி ஒன்பதே கால் என்று சொல்ல வந்த வரிகள், “எண்கள் இல்லாத என் கைக்கடிகாரத்தில் பெரிய முள்ளும் சின்ன முள்ளும் எங்களுக்குள் வாய்க்கால் தகராறு என்பதுபோல் வெவ்வேறு திசையைப் பார்த்துக்கொண்டு ஒன்றிற்கொன்று செங்குத்தாய் நின்றுக்கொண்டிருந்தன...” (குறிப்பு: அதற்கு முந்தய பத்தியில் மணி எட்டு ஐம்பது என்று குறிப்பிடப்பட்டிருந்தது). மெல்லிய புன்னகையோடு தொடர்ந்து புரட்டலானேன்.

மூன்றாவது கதையில் அறிவியல் = வரலாறு கோட்பாடு விளக்கப்பட்டிருந்தது. இப்படியொரு கோட்பாட்டை படித்தவுடன் நம்ம அஞ்சாசிங்கம் செல்வின் ஞாபகம் வராமல் இருக்குமா...? வந்து தொலைத்தார். ஆனால் புத்தகத்தை முடிக்கும்வரையில் அடிக்கடி செல்வின் நினைவுக்கு வருவார் என்று நான் அப்போது எதிர்பார்க்கவில்லை. தொடர்ந்து பக்கங்களை புரட்ட, சேத்தன் பகத் ஸ்டைல் நினைவிற்கு வந்தது. அதையே தமிழில் பின்பற்றியிருக்கிறார்கள். இளமை + புரட்சியாக கதைகள் நகர்ந்தன. கூடவே ஆன்மிகம், வரலாறு எல்லாம். காளான் சூப் தன்னுடைய வேலையைக் காட்ட தொடங்கியிருந்தது.

ஐந்தாவது கதையான பொறி இயல் நாயகனின் பெயர் பிரபாகரன். அவனும் பொறியியல் படிக்கிறான். அதுவும் மின்னணு மற்றும் தொலைதொடர்பியல். சினிமா பற்றிய அந்தக்கதைக்கு, அழகன், தாவணிக்கனவுகள், வறுமையின் நிறம் சிகப்பு என்று சினிமா வசனங்களாலும் காட்சிகளாலும் உயிர்ப்பூட்டிய விதம் அழகு. ஆனாலென்ன, அடுத்ததாக படித்த தங்க மீன் கதைதான் எங்கேயோ ஆரம்பித்து எங்கேயோ முடிவதாய் நெருடுகிறது.

ஆண் பாவம் கதை மட்டுமில்லாமல் பெரும்பாலான கதைகள் அல்லது கதைகளினூடே வரும் சம்பவங்கள் ஐடி கம்பெனிக்களை சுற்றியே வலம் வந்தன. அந்த வகையில் ஆண் பாவம் ஐடி காதல் என்றால் என்னவென்று சொல்கிறது. அதைப் பற்றி தனி புத்தகமே போடலாம். ஒரு வீணையின் நாட்குறிப்புகள் என்ற கதையில் ஆவி என்ற வார்த்தையை கடக்கும்போது மணி அதிகாலை நான்கு. பேய்ங்க வாக்கிங் போற நேரமாச்சே... மனதை திடப்படுத்திக்கொண்டு படித்தால் அட “அதுவும்” ஒரு சமூகப்பொறட்சி கதைதான்.

கடைசியாக படித்ததாலோ, அல்லது புத்தகத்தில் கடைசியாக இருந்ததாலோ அல்லாமல் இப்படிக்குக் காதல் என்ற கதையை அதிகம் பிடித்திருந்தது. அதற்கு காரணம் காதல். முந்தய கதைகளைப் போல வெட்டியாக புரட்சி பேசாமல் நானுண்டு என் காதலுண்டு என்று என் மனதிற்குள் கர்சீப் போட்டு இடம் பிடித்தது கடைசி சிறுகதை. (ஆனா அதுக்காக 167-வது பக்கத்தில் கல்யாணம் என்ற வார்த்தையை கால்யானம் என்று அச்சடித்ததை ஏற்றுக்கொள்ள முடியாது). பொண்ணுங்க மனசும் அண்ணா யூனிவர்சிட்டி கொஸ்டின் பேப்பரும் ஒன்னு...! ரெண்டையும் புரிஞ்சிக்கவே முடியாது.

சினிமாவாக இருந்தாலும் சரி, புத்தகமாக இருந்தாலும் சரி, ஏன் பதிவுலகமாக இருந்தாலும் திறமை மட்டும் இருந்தால் வெற்றி தேடி வராது. சொல்லப்போனால் அதீத திறமையும் தேவையில்லை. பாதி திறமை மீதி மார்கெட்டிங். இதுவே புத்தகக்கடையில் சீனி மிட்டாய் மாதிரி அடுக்கி வைக்கப்பட்டிருந்த “இது உங்க டைரியா பாருங்க” என்ற புத்தகத்தின் வெற்றிக்கு சாட்சி. ஆங்... புத்தகத்தின் தலைப்பை மறுபடி டைப்பியதும் தான் நினைவுக்கு வருகிறது. இந்தப்புத்தகத்தை டைரியோடு ஒப்பிடும் அளவிற்கு ஒன்றும் மனதை உரசிச்செல்லவில்லை.ஆனாலும் இந்த தலைப்பு வைக்கக் காரணம், அதுவும் மேலே கூறிய மீதி சமாச்சாரம் தான்.

“சில சமயம் உப்புமா கூட டேஸ்டா தான் இருக்கும்...!”

தலைப்பு: இது உங்க டைரியா பாருங்க!

விலை: ரூ.100/-

கிடைக்குமிடம்: ஸ்டால் எண் F15 (சென்னை புத்தகக் கண்காட்சியில்)

அலுவலக முகவரி:

சிக்ஸ்த் சென்ஸ் பப்ளிகேஷன்ஸ்,

10/2 (8/2), போலீஸ் குவார்ட்டர்ஸ் சாலை,

தி.நகர், சென்னை -17.

என்றும் அன்புடன்,

N.R.PRABHAKARAN

பிரபா ஒயின்ஷாப் – 09012012

2012-01-09T00:34:00.001+05:30

அன்புள்ள வலைப்பூவிற்கு,

சென்னை புத்தகக் கண்காட்சியில் “நம்ம சென்னை” என்ற சிற்றிதழ் ஒன்றினை வாங்கினேன். லோக்கல் ஏரியாக்களைப் பற்றிய அரிய செய்திகளை அறியக் கொடுக்கிறது. தியாகராஜ பாகவதர், சென்னையின் திரையரங்குகள் போன்ற கட்டுரைகள் ரசிக்க வைத்தன. முக்கியமாக சென்னைத் தமிழை இழிவு படுத்துவது நியாயமா என்ற கட்டுரையில் செய்திருக்கும் சொல்லாராய்ச்சி சென்னைவாசிகளை தலைநிமிரச் செய்கிறது. மறுபடி ஒருமுறை செல்லும்போது பழைய இதழ்களையும் அள்ளிக்கொண்டு வரவிருக்கிறேன். புத்தகக் கண்காட்சிக்கு செல்லும் நண்பர்கள் தவறவிடாதீர்கள்...!

பதிப்பகத்தார் கவனத்திற்கு:

நண்பன் ஒருவனின் மூலமாக அவனது தாத்தாவும் பழம்பெரும் எழுத்தாளருமான பிலோ. இருதயநாத் (நம்மள மாதிரி சொருகின அடைமொழி இல்லை) அவர்களைப் பற்றி தெரிந்துக்கொள்ளும் வாய்ப்பு கிடைத்தது. நண்பன் சொன்னது போக, கூகிளில் தேடினேன். ஆதிவாசிகள், மலைவாழ் மக்கள் பற்றி நிறைய ஆராய்ச்சி, பயணக்கட்டுரைகள் எழுதியிருக்கிறார். நான் படித்த சுட்டியின் படி, இதுவரை இவர் 63 நூல்கள் எழுதியிருக்கிறார். அவற்றில் 37 மட்டுமே வெளிவந்த நிலையில் மற்றவை இன்னமும் கையெழுத்து பிரதிகளாக தூங்கிக்கொண்டிருக்கின்றன. ஏற்கனவே நரேன் சொன்னதுபோல, பத்ரி அல்லது கே.ஆர்.பி & ஓ.ஆர்.பி குரூப் இதனை கவனத்தில் கொள்ளவேண்டும்.

தொடர்புள்ள சுட்டி: பிலோ. இருதயநாத் பற்றி எஸ்.ரா

ஏகத்துக்கும் கடுப்பில் இருக்கிறேன்... விமல் நிஷா அகர்வால் நடிக்கும் இஷ்டம் படத்தில் ஒரு உதட்டு முத்தக்காட்சி. கதையின் அவசியம் கருதி (!!!) மேற்படி காட்சியில் நடிக்க ஓகேயிருக்கிறார் நடிகை. இதாண்டா சான்ஸ்ன்னு சுமார் பத்துமுறை உதட்டுடன் உதடு பதித்துவிட்டாராம் விமல் (பாவிப்பய). இங்கே இப்படின்னா தெலுங்கில் மகேஷ் பாபு – காஜல் நடிக்கும் பிசினஸ்மேன் படத்தின் கதைக்கும் அதே அவசியம் வந்துவிட மகேஷ் பாபு சமத்துப்பிள்ளையாக (அவ்வ்வ்வ்) அவருடைய மனைவியிடம் பர்மிஷன் வாங்கிக்கொண்டு கிஸ்ஸின்னாராம். நியாயப்படி இந்த ரெண்டு ஹீரோக்களுக்கும் சம்பளமே கொடுக்கக்கூடாது. பூரா காசும் கழிஞ்சிருக்கும்...!

என் வலைப்பூவின் பக்கவாட்டில் புதிதாக உருவெடுத்திருக்கும் “படித்ததில் பிடித்தது” என்ற பகுதியை பார்த்திருப்பீர்கள். (இல்லையென்றால் பார்க்கவும்). அங்கே சமீபத்தில் நான் படித்து அளவுக்கு அதிகமாக ரசித்த இடுகைகளை தொகுத்திருக்கிறேன். அதனினை தொடர்ந்து அப்டேட் செய்வேன் என்றும் நம்புகிறேன். வாசிப்பாளர்கள் பயன்படுத்திக்கொள்ளவும்.

ஜொள்ளு:

உதட்டுக்குள்ளே மதுவின் ரசம் ரசம்...! விழியிரண்டில் மயக்கும் விஷம் விஷம்...!

ட்வீட் எடு கொண்டாடு:

writercsk SaravanakarthikeyanC

உதடு தடித்த பெண்கள் எதிர்பார்ப்புக்கு மாறாய் மிக மென்மையாகவே முத்தமிடுகிறார்கள்..

v2wit v2wit

500 நண்பர்கள் பேஸ்புக்கில் இருந்து என்ன பிரயோசனம்? கடலை போடணும்னு நினைக்கிறப்போ ஒரு பொண்ணு கூட சாட்ல இல்லியே !

siva_says siva subramani

என் காதல் ஒரு தொறந்த வூடு..நீ நாயா வந்து நொழஞ்சுப் பாரு..! #கழிசடக்கவுத..

itsBritto குழந்தபையன்

பெண் என்றால் பூ போல இருக்கனும் என்று சொல்லுபவர்களுக்கு.. அது சாய்ந்தரம் வாடி விடும் என்பது தெரியாதா???

அறிமுகப்பதிவர்: மனதில் உறுதி வேண்டும்

அஷ்டாவதானி டி.ராஜேந்தர் பற்றிய ஒரு வரலாற்று சிறப்புமிக்க இடுகையில் எனக்கு அறிமுகமானார். சிதறல்கள் என்ற பெயரில் இவர் எழுதிவரும் கலவை இடுகைகள் நைஸ். மனிதருக்கு டி.ஆர் மீதுள்ள பாசத்தை அவரது மற்றொரு இடுகையான ஒரு 'சன் TV நேசனின்' புலம்பல்... பறைசாற்றுகிறது. பெரும்பான்மையினர் கிரிக்கெட் பின்னால் ஓடிக்கொண்டிருக்க இவர் கபடி பற்றி விரிவாக ஓர் இடுகை எழுதியிருக்கிறார். தமிழ் பதிவுலகத்திற்கு இன்னொரு ஆராய்ச்சியாளர் கிடைத்துவிட்டார்.

கொலவெறி – தி சூப்பர்ஸ்டார் வெர்ஷன்

நான் கல்லூரியில் படித்துக்கொண்டிருக்கும்போது ஒருநாள் எதேச்சையாக பண்பலையில் இந்தப்பாடலை கேட்க நேர்ந்தது. இம்ப்ரஸ் ஆகி யூடியூபில் வீடியோவை தேடிக்கண்டுபிடித்தால் சூப்பர்ஸ்டாரும் லேடி சூப்பர் ஸ்டாரும் அஹ்... கஜகஜா.

இந்தப்பாடலின் கடைசி ஒன்றரை நிமிடங்கள் கேட்க தவறினால் நீங்கள் ஒரு சூப்பர் சிங்கரின் பர்பாமன்ஸை தவறவிடுகிறீர்கள் என்று அர்த்தம்...!

கவுண்டர் & சத்யராஜ் AS எந்திரன்

நடிகர்களை இமிடேட் செய்பவர்கள் எம்.ஜி.ஆர், சிவாஜி என்று பொதுவாக சிலரை இமிடேட் செய்வதுண்டு. ஆனால் கவுண்டமணி, சத்யராஜ், கார்த்திக் மாதிரியெல்லாம் எல்லோரும் இமிடேட் செய்துவிட முடியாது. பூம் பூம் ரோபோ பாடலுக்கு கவுண்டரும் சத்யராஜும் ஆடியிருந்தால்...

எத்தனை முறை பார்த்தாலும் கண்கள் கலங்க சிரிப்பு வருகிறது... அல்டிமேட்.

காஸ்ட்லி கழிவறை

விலை உயர்ந்த பளிங்கு கற்களால் செய்யப்பட்ட கழிவறை...!

கண்ணதாசன் சொன்னதுங்க:

சாதாரண மனிதன் புகழ் பெறும்போது அவன் செய்த தவறுகளும் புகழ் பெறத்துவங்குகின்றன...!

டேமேஜர் ஜோக்:

“எங்க மேனேஜர் கங்காரு மாதிரி...!”

“ஏன் மச்சி...?”

“எப்பவும் குட்டியோட தான் இருப்பார்...!”

என்றும் அன்புடன்,

N.R.PRABHAKARAN

புத்தகக் கண்காட்சி புலம்பல்கள்

2012-01-08T01:32:00.003+05:30

அன்புள்ள வலைப்பூவிற்கு,

எழுதி போர் அடிக்குது அதான் இந்த ஆடியோ முயற்சி... நீங்க முழுசா கேக்கனுங்கறதுக்காக சொல்லல, ஆடியோவின் கடைசியில் ஒரு பஞ்ச் வச்சிருக்கேன்... கேட்டு பாருங்க...!

என்றும் அன்புடன்,

N.R.PRABHAKARAN

பிரபா ஒயின்ஷாப் – 02012012

2012-01-02T00:30:00.000+05:30

அன்புள்ள வலைப்பூவிற்கு,

அனைவருக்கும் புத்தாண்டு நல்வாழ்த்துக்கள். புத்துணர்ச்சியோடு பிரபா ஒயின்ஷாப் திறக்கப்படுகிறது.

எப்படி இருக்கு நம்ம கடையோட அலங்காரம். நீண்ட நாள் திட்டம். எனக்காக முகம் சுளிக்காமல் இரண்டு பேனர்கள் (மேலே இருக்கும் ஆளவந்தான் பேனர் மற்றும் பக்கவாட்டில் இருக்கும் டாஸ்மாக் தோற்ற பேனர்) வடிவமைத்துக் கொடுத்த வலைமனை சுகுமார், டெம்ப்ளேட் வடிவமைக்க Artisteer என்ற மென்பொருளை அறிமுகப்படுத்திய பலே பிரபு, Feed Burner மற்றும் வைரஸ் சிக்கல்களை தீர்த்து வைத்த நிரூபன் என்று அனைவருக்கும் எனது மனமார்ந்த நன்றிகள். Feed Burner அட்ரஸ் மாற்றியமைத்துள்ளமையால் முன்னரே பதிவு செய்திருந்த 33 பேருக்கும் மறுபடி Confirmation Mail அனுப்பியிருக்கிறேன், உறுதிப்படுத்திக்கொள்ளவும்.

பத்து நாட்கள் விடுமுறையில் உடல்நிலை சரியில்லாமல் போனது புத்தகங்கள் படிக்க நல்லதொரு வாய்ப்பாக அமைந்தது. சிலபல சுஜாதா நாவல்கள், லெமன் ட்ரீயும் ரெண்டு ஷாட் டக்கீலாவும், தேகம், One Night @ The Call Center என்று நிறைய படித்தேன். சேத்தன் பகத்தின் கால் சென்டர் பற்றிய நாவல் சிறப்பாக இருந்தது. எளிமையான ஆங்கிலம், நிறைய படிப்பினைகள். கடைசி ஒன்பது அத்தியாயங்கள் மட்டும் கொஞ்சம் செயற்கையாக இருந்தது. அடுத்ததாக சேத்தன் பகத்தின் மற்ற நாவல்களையும் வாங்க வேண்டும்.

பஃப் கை வச்ச பிளவுஸ், பெல் பாட்டம் பேண்ட் போன்ற பேஷன் சமாச்சாரங்கள் ஒரு ரவுண்ட் அடித்துவிட்டு அடுத்த தலைமுறைக்கு திரும்ப வந்து எட்டிப்பார்க்கும். தியாகராஜ பாகவதர், பி.யூ.சின்னப்பா காலத்தில் ஹீரோக்களே சொந்தக்குரலில் பாடி நடிப்பார்களாம். அந்த டிரெண்ட் இப்போது மீண்டும் ஒரு ரவுண்ட் அடிக்கும் போல தெரிகிறது. சிம்பு, தனுஷ், விஜய், விக்ரம் என்று ஆளாளுக்கு பாடி நடிக்க ஆரம்பித்துவிட்டார்கள். நேரத்திற்கு அதுவும் ஹிட்டாகி தொலைக்கிறது. என்ன ஒன்று நடிகைகள் பாடி நடிப்பது மட்டும் இந்த ஜென்மத்தில் நடக்காது போல. ஸ்ருதி ஹாசன் மாதிரி நிறைய பேர் நடிக்க வந்தால்தான் உண்டு.

போட்டோவுக்கு போஸ் கொடுக்கும் அந்த சில நொடிகள் மனித வாழ்க்கையின் தர்ம சங்கடமான நொடிகள். நானெல்லாம் பல்லைக்காட்டாமல் ஒருமாதிரியாக செயற்கையாக சிரித்து வைப்பேன். இந்தமாதிரி அபத்தமான புன்னகைகளை தவிர்க்க சில புகைப்படக்காரர்கள் “Say Cheese” டெக்னிக்கை பயன்படுத்துகிறார்களாம். அதாவது போட்டோவுக்கு போஸ் கொடுப்பவர்கள் Cheese என்று உச்சரித்தால் அழகாக சிரிப்பது போல தெரியுமாம். பழம்பெரும் நடிகை சரோஜா தேவி இந்த டெக்னிக்கையே பயன்படுத்துவார் என்று படித்திருக்கிறேன். ஆனா ஒரு டவுட், அந்தமாதிரி புத்தகங்களுக்கு ஏன் சரோஜா தேவி புத்தகம்ன்னு பெயர் வந்தது யாராவது சொல்லுங்களேன்...???

ஜொள்ளு:

ஐ லவ் யூ ரஸ்னா...!

ட்வீட் எடு கொண்டாடு:

g_for_guru Guru

தவறான ஒரு விஷயத்தை/பழக்கத்தை திருத்திகொள்ள புத்தாண்டு வரை வைய்ட் பண்ணுவதே ஒரு மூட நம்பிக்கை தான்...

Kaniyen கனியன்

எந்தப்பத்திரிக்கையிலும் பெயர் வந்தாலும் சந்தோசப்படும் மனது, கல்யாணபத்திரிக்கையில் வந்தால் மட்டும் வருத்தப்படுவது ஏனோ ?

vandavaalam Manoj Reuben

விஜய்: சங்கர் இந்தியாவின் ஸ்பீல்பர்க்! சத்யராஜ்: தம்பி விஜய் இருக்காரே! நம்மள விட பயங்கர நக்கல் புடிச்ச ஆளு! :)

Ganesukumar கணேசு குமார்

கரப்பான் பூச்சி போல சுவரோரமாய் ஒட்டி நின்று அலைபேசிக் கொண்டிருந்தால் புதிதாய் காதலிக்கிறார்கள் என்று பொருள்.

g4gunaa குணா யோகசெல்வன்

முக்கியமா எந்திரனை மறந்துட்டு வாங்க - ஷங்கர் #அணில் படத்துக்கு நாங்க மனுஷங்க'ங்கரதையே மறந்துட்டுதான் சார் வருவோம்..

அறிமுகப்பதிவர்: Chilled Beers

இந்த பூனையும் பீர் குடிக்குமான்னு நினைக்காதீர்கள். செம ஹாட்டாக ஹன்சிகா, குஷ்பூ பற்றியெல்லாம் எழுதி ஈர்க்கிறார். (Very informative post). அதேமாதிரி மதுரக்காரைங்க சினிமா என்ற போஸ்ட் செம நக்கல். (அவரும் பாதிக்கப்பட்டிருக்கார்). ஒஸ்தி, மெளனகுரு என்று சமீப சினிமாக்களுக்கு விமர்சனங்கள் எழுதியிருக்கிறார். அதே சமயம் சாருவின் எக்சைல், வெற்றிலைக்கு அந்த வாசம் வந்த கி.ராவின் கதை என்று இலக்கியத்திலும் புகுந்து விளையாடுகிறார். இவருடைய எழுத்துத்திறமையை வைத்து பார்க்கும்போது பழைய பதிவர் யாரோ ரீ-என்ட்ரி கொடுத்திருக்கிறார் என்றே தோன்றுகிறது.

கேட்ட பாடல்:

ஒருவாரமாக நண்பன் பாடல்களை தான் கேட்டுக்கொண்டு இருக்கிறேன். எல்லாமே அருமை. இப்போதைக்கு அதிரடியாக ஆரம்பிக்கும் “என் பிரண்டை போல யாரு மச்சான்...” பாட்டு அதிகம் பிடிச்சிருக்கு.

அதன் வரிகள், இன்னொரு மூணு மாசத்துக்கு எல்லா இளைஞர்களுடைய ரிங்டோன் இதுவாகத்தான் இருக்கும். நேர்ல பார்க்கும்போது ஒருத்தனை ஒருத்தன் கேவலமா திட்டிப்பாங்க, இருந்தாலும் ரிங்டோனில் மட்டும் பாசம் பொங்கி வழியும். Crazy Buggers.

பார்த்த காணொளி:

ஆரவாரமில்லாமல் ஒரு மிமிக்ரி புரட்சியே செய்துவருகிறார் நண்பர் சீனி பிரபு.

விஜய் டிவி – கோடீஸ்வரன் களவாணி கும்பல் பற்றி புரியும்படி அதே சமயம் சிரித்து ரசிக்கும் வகையில் சீனி பிரபு உருவாக்கியுள்ள மிமிக்ரி நிகழ்ச்சி.

ரசித்த புகைப்படம்:

பதறாதீங்க... மவுஸ் பேட் தான்...!

ஒருமாதிரி ஜில்பான்ஸாக இருக்கும் இந்த மவுஸ் பேட் Carpal Tunnel Syndrome என்ற நரம்பு சம்பந்தமான பிரச்சனை வராமல் தவிர்க்க உதவுகிறதாம்.

தத்துவம்:

“வீழ்ச்சியில் கலக்கமோ, எழுச்சியில் மயக்கமோ கொள்ளாதே...!”

- படித்த புத்தகத்திலிருந்து

கடைசியா, ஒரு ஜோக்:

உபயம்: ஜோக் – காடு

ஒரு தடவ சி.ஐ.ஏ (அமெரிக்க உளவுப் பிரிவு) ல இண்டெர்வியூ நடந்ததாம். முணு பேர் கடைசி ரவுண்டு வரைக்கும் வந்தாங்களாம்.

கடைசி ரவுண்ட்ல மொத ஆள்கிட்ட ஒரு துப்பாக்கிய குடுத்து “உள்ள உங்க வைஃப்-அ கட்டிப் போட்டு வச்சிருக்கோம், போய் கொன்னுட்டு வாங்க”ன்னாங்களாம்

“அதெல்லாம் முடியாதுங்க, பொண்டாட்டியெல்லாம் கொல்ல முடியாது”ன்னுட்டானாம்.

ரெண்டாவது ஆள் வீராவேசமா துப்பாக்கிய வாங்கிட்டுப் போனானாம், கொஞ்ச நேரம் கழிச்சு திரும்பி வந்துட்டானாம், “என்னால முடிலீங்க”ன்னானாம்

உங்களுக்கும் சி ஐ ஏ ல சேர தகுதி இல்ல, வைஃப்ப கூட்டிட்டு போங்கன்னுட்டாங்களாம்.

மூணாவது ஆள்கிட்ட இதே மாதிரி சொன்னவுடனே துப்பாக்கி எடுத்துட்டு நேரா உள்ள போனானாம், கதவ சாத்துறதுக்குள்ள சுட்ற சத்தம் கேட்டதாம், வரிசையா 10 தடவ சுட்ற சத்தம் கேட்டதாம். வரிசையா கத்தற சத்தம், சேர்ல அடிக்ற சத்தம் கேட்டதாம்.

பதறிப்போய் எல்லாரும் உள்ள போனாங்களாம். சோர்வா வெளில வந்தானாம், “என்னாச்சு என்னாச்சு”ன்னு கேக்க, அவன் சொன்னானாம், “நீங்க குடுத்த துப்பாக்கில சுட்டேன், தோட்டா எல்லாம் போலி, சொன்னத செய்யணும்ல... உக்காந்திருந்த சேர எடுத்து அடிச்சு, சுவத்தில மோதி கஷ்டப்பட்டு கொல்ல வேண்டிதாப்போச்சு”

டிஸ்கி: இந்த ஜோக் சம்பந்தமா பின்னூட்டம் போடுறவங்களோட வீட்டம்மாவுக்கு தகவல் போகும்ன்னு சொல்லிக்கிறேன்.

என்றும் அன்புடன்,

N.R.PRABHAKARAN

கனவுக்கன்னி 2011 – பாகம் 2

2011-12-29T00:30:00.000+05:30

அன்புள்ள வலைப்பூவிற்கு,

பதிவின் முதல் பாகத்தை ~~படிக்க~~ பார்க்க:

கனவுக்கன்னி 2011 – பாகம் 1

5. “தங்க தமிழச்சி” தன்ஷிகா (சென்ற ஆண்டு 1வது இடம்)

இந்த ஆண்டில் அம்மணியின் ஒருபடம் கூட வராதது ஏமாற்றமே. அரவான் படத்திற்கான காத்திருப்பு நீள்கிறது. ஆனாலும் தன்ஷிகா மீதுள்ள கிரேஸ் குறையவே இல்லை. விகடனின் தீபாவளி போட்டோ ஷூட், அரவான் ஆடியோ வெளியீட்டு விழா என்று அவ்வப்போது திவ்யதரிசனம் காட்டி குளிர்வித்துள்ளார்.

4. “வெண்ணைக்கட்டி” லக்ஷ்மி ராய்

இதுவரை தோல்விப்படங்களில் தோன்றியவர், காஞ்சனா, மங்காத்தா என்று வரலாற்றை திருப்பியிருக்கிறார். காஞ்சனா படத்தின் கருப்பு வெள்ளை பாடலையும், மங்காத்தா படத்தின் ரயில்வே ஸ்டேஷன் காட்சியையும் இந்த நூற்றாண்டில் மறந்துவிட முடியாது. ஆனால் பார்ட்டி மலையாள கரையோரம் ஒதுங்கிவிட்டது என்பது வருத்தமான செய்தி.

3. “அடுத்த வீட்டுப்பெண்” அஞ்சலி (சென்ற ஆண்டு 8வது இடம்)

ராஜமுந்திரியில் பிறந்த ராணிமுந்திரி. அவார்டு பட்டியலிலும் இடம் பிடிப்பார், ரசிகர்கள் மனதிலும் இடம் பிடிப்பார். இந்த ஆண்டில் மட்டும் ஐந்து படங்களில் நடித்திருந்தாலும் எங்கேயும் எப்போதும் எல்லோருடைய ஃபேவரிட். மங்காத்தா, கருங்காலி, த.வெ.சுந்தரம் படங்களில் செம ஹாட் மச்சி.

2. “கேரளத்து கப்பக்கிழங்கு” இனியா

வாகை சூட வா அறிமுகப்படம் போல தெரிந்தாலும் சென்ற ஆண்டே பாடகசாலை என்ற தமிழ்ப்படத்தில் அறிமுகமாகி யுத்தம் செய் படத்தில் சேரனின் தங்கையாக தோன்றியவர். ஒரிஜினல் பெயர் ஸ்ருதி சவந்த். தமிழ் சினிமா ஹீரோயிங்களுக்கே உரித்தான வெட்கத்திலும், கஞ்சா இழுக்கும் ரியாக்ஷனிலும்* ஸ்பெஷலிஸ்ட்.

1. “புன்னகை பூச்செண்டு” காஜல் அகர்வால் (சென்ற ஆண்டு 2வது இடம்)

மாவீரர்களையும் மடிய வைக்கும் அழகுப்பதுமை. இந்த ஆண்டு நேரடி தமிழ்ப்படங்கள் எதிலும் தோன்றவில்லை என்றாலும் மாவீரன் படத்தின் மூலம் மகாராணியாக வலம் வந்தார். அதுமட்டுமில்லாமல் காஜல் தோன்றிய சில விளம்பரப்படங்களை பார்த்த இளைஞர்கள் லக்ஸ் சோப்பு போட்டு குளிப்பதாகவும், காபி போட கற்றுக்கொள்வதாகவும் அழகுத்துறை தகவல் சொல்கிறது. அதே சமயம் பப்பி ஷேம் போஸ், "நான் தென்னிந்திய நடிகை அல்ல" போன்ற சர்ச்சைகளிலும் சிக்கினார். பட்சி பாலிவுட் பக்கம் பறக்க பார்த்தாலும் மாற்றான், துப்பாக்கி என்று தன்வசம் வைத்திருக்கிறது தமிழ் சினிமா. காஜலின் அடுத்த படங்களில் ஒன்று கே.வி.ஆனந்த் படம், மற்றொன்று விஜய் படம் என்பது வேதனையான விஷயம்.

* கஞ்சா இழுக்கும் ரியாக்ஷன் – ஹீரோ ஹீரோயினுக்கு முத்தமிட நெருங்கும்போதோ அல்லது அந்தமாதிரி நேரத்திலோ ஹீரோயின் காட்டும் முகபாவம்.

தொடர்புடைய சுட்டிகள்:

கனவுக்கன்னி 2010 – பாகம் 1

கனவுக்கன்னி 2010 – பாகம் 2

என்றும் அன்புடன்,

N.R.PRABHAKARAN

கனவுக்கன்னி 2011 – பாகம் 1

2011-12-28T00:30:00.000+05:30

அன்புள்ள வலைப்பூவிற்கு,

மயிரிழையில் லிஸ்டில் இருந்து தவறிப்போன கனவுக்கன்னிகள்:

கார்த்திகா (கோ), தமன்னா, திவ்யா (பொன்னர் சங்கர்), ரேஷ்மி (தேநீர் விடுதி)

10. “பெங்காலி ஸ்வீட்” ரிச்சா

தெலுங்கு தேசத்தில் கொடிகட்டி பறந்தவர். ஆண்டின் இறுதியில் இரண்டு தமிழ் படங்களில் தோன்றி ரசிகர்கள் மனதை இறுகப் பிடித்துக்கொண்டார். சிரித்தால் அழகாக இருப்பார் ஆனாலென்ன சிரிக்கவே மாட்டார். மாடர்ன் உடைகள் அணிய தயக்கம் காட்ட மாட்டார் என்ற போதிலும் சேலையில் சோலையாக காட்சியளிப்பார்.

9. “செவ்வாடை அழகி” அர்ச்சனா

யூடியூபையே கதிகலங்க வைத்தவர். பெரிய அழகியெல்லாம் இல்லை. ஆனால் காட்சியின் ஆரம்பத்தில் ‘வா’ என்று கண்ணால் ஜாடை காட்டுவார் பாருங்கள். அதுவே வருஷம் முழுவதற்கும் தாங்கும். நிறைய இளைஞர்களை பனித்துளி பார்க்க வைத்திருப்பார். பாவம் நல்ல படவாய்ப்புகள் கிடைக்காமல் கஷ்டப்படு(த்து)கிறார்.

8. “குட்டி அசின்” பூர்ணா

ஐந்தாறு லோ பட்ஜெட் மொக்கை படங்களில் தலை காட்டினாலும் வித்தகன் படத்தில்தான் கன்னாக மாறி மனதிற்குள் புல்லட் பாய்ச்சினார். அப்பாவி லுக் கொடுத்து அப்ளாசை அள்ளும் திறமைசாலி. வெறும் சக்கையாய் சாய்கிறேன்... நீ துப்பிடும் பார்வையால்...

7. “மஞ்சக்காட்டு மைனா” நீத்து

ஆண்டின் ஆரம்பத்தில் கன்னித்தீவு பொண்ணா கட்டெறும்பு கண்ணா என்று குத்தாட்டம் போட்டு கட்டிளம்காளைகள் மனதை கட்டிப்போட்டவர். பாலிவுட்டில் இருந்து கோலிவுட்டுக்கு வந்த கோதுமை அல்வா. அமீரின் அடுத்த படத்திற்காக வெயிட்டிங்.

6. “கேரளத்து மைனா” அமலா பால் (சென்ற ஆண்டு: 3வது இடம்)

சிந்து சமவெளி வழியாக தமிழ் ரசிகர்களின் இதயம் புகுந்தவர். இந்த ஆண்டு வெள்ளித்திரையில் அதிகம் தோன்றவில்லை என்றாலும் இதய இருக்கைகளை காலி செய்ய மறுக்கிறார். வரவிருக்கும் ஆண்டிலாவது வேட்டையாடுவார் என்று நம்புவோமாக.

முதல் ஐந்து இடம் பிடித்த கனவுக்கன்னிகள் அடுத்த பாகத்தில்... அதுவரைக்கும் Keep Guessing...!

தொடர்புடைய சுட்டிகள்:

கனவுக்கன்னி 2010 – பாகம் 1

கனவுக்கன்னி 2010 – பாகம் 2

என்றும் அன்புடன்,

N.R.PRABHAKARAN